Pas dy ndeshjeve interesante në ditën e parë në turneun e CS:GO në Danimarkë, tani do të zhvillohen ndeshje nga grupi B dhe C.
FaZe do të përballet me Complexity në mungesë të rain, i cili u zëvendësua nga es3tag.
Kjo ndeshje do të zhvillohet në formatin ‘Bo3’ sot (e premte) duke filluar nga ora 12:00.
Ndeshja e dytë do të jetë ndërmjet Liquid dhe OG duke filluar nga ora 15:00, ndërsa nga 18:30 do të kemi ndeshjen e grupit C, G2 ndaj BIG.
Në këtë turne 12 skuadra po garojnë për një grup çmimesh prej 177 mijë dollarësh, dhe për të siguruar pjesëmarrjen në turneun BLAST Spring Final.
Ndeshja më interesante e ditës së dytë pritet të jetë ajo ndërmjet Liquid dhe OG.
Të gjitha ndeshjet do të transmetohen në kanalin zyrtar të BLAST Premier në platformën Twitch. /Telegrafi/