Bashkimi, sot në palestrën e sportit “Sezai Surroi” në Prizren është nikoqir i ekipit Beroe nga Stara Zagora e Bullgarisë në kuadër të xhiros së gjashtë të Grupit C të Sigal Uniqa Ligës Ballkanike (BIBL).
Portokallinjtë pas disfatës së javës së kaluar nga Mornari i Tivarit në Prizren i kanë humbur të gjitha gjasat për të siguruar një vend në gjysmëfinale të BIBL-it.
Në program sot është edhe një tjetër ndeshje e këtij grupi, ajo në mes Mornarit dhe Teodos, e cila do të luhet në orar të njëjtë, pra me fillim nga ora 19:30, transmeton gazetaolle.
Të dyja këto ballafaqime janë të rëndësishme për faktin se tri skuadrat Mornar, Teodo dhe Beroe janë në luftë për të siguruar dy vende për në gjysmëfinale të kësaj lige.
Opsioni 1: Fitorja për Bashkimin dhe për Mornar-in, kualifikohen Mornar-i nga pozita e parë dhe Beroe nga e dyta.
Opsioni 2: Fitorja për Bashkimin dhe për Teodo-n, kualifikohen Teodo nga vendi i parë dhe Mornar-i nga i dyti.
Opsioni 3: Fitorja për Beroe-n dhe për Mornar-in, kualifikohen Mornar-i nga pozita e parë dhe Beroe nga e dyta.
Opsioni 4: Fitorja për Beroe-n dhe për Teodo-n, kualifikohen Beroe nga vendi i parë dhe Teodo nga i dyti.