Na’Vi është skuadra e tretë nga grupi D i sezonit 17 të ESL Pro League që kualifikohet në fazën Play-Off.
Skuadra ukrainase nuk e nisi mirë në turneun që po mbahet në Malta, mirëpo arritën që të rikthehen me fitore radhazi për t’u kualifikuar në Play-Off.
Ata ju bashkohen skuadrave si ENCE dhe forZe, që kishin siguruar fazën e Play-Off më herët nga grupi D.
Ndeshja e cila cilësohej si derbi i skuadrave ‘CIS’, përfundoi në fitore të ekipit Na’Vi me rezultat të përgjithshëm 2-0 me mapa.
Lojtari më i dalluar në këtë ndeshje ishte Ilya ‘Perfecto’ Zalutskiy me 37 eliminime dhe vlerësimin nga HLTV 1.21.
Turneu ESL Pro League po mbahet në Malta, ku në garë ishin 32 skuadra për një grup çmimesh prej 850.000 dollarësh.
Së shpejti priten të mësohen ndeshjet e Play-Off pas përfundimit të grupit D. /Telegrafi/
