Turneu Blast Premier Fall Final ka filluar dhe ekipet favorite tashmë kanë fituar ndeshjet e tyre të para.
Në këtë turne tetë skuadra po garojnë për një grup çmimesh rreth 425.000 dollarë.
Përkundër befasive që ndodhën në turneun Major në Rio, kësaj radhe në Kopenhagë nuk pati befasi të hershme pasi të gjitha ekipet favorite kanë arritur të fitojnë ndeshjet e para.
FaZe pas një paraqitje të dobët në IEM Rio Major, ka arritur që ta mposhtë me lehtësi ekipin OG në dy mapa, 16-3 dhe 16-5.
Gjithashtu Heroic ka fituar në derbin ndaj NIP me rezultat të përgjithshëm 2-1 me mapa, në të parin pësuan humbje 16-13, në dy të fundit fituan me lehtësi 16-6 dhe 16-4.
Na’Vi fitoi ndaj ekipit brazilian Fluxo me rezultat të përgjithshëm 2-0 me mapa, 16-14 në të parin dhe 16-7 në të dytin.
Ndërsa ndeshja Liquid dhe G2 sapo ka filluar dhe është duke u zhvilluar mapi i parë.
Të gjitha ndeshjet po transmetohen në kanalin zyrtar të Blast Premier në platformën Twitch. /Telegrafi/