Poezi prej Langston Hughes-it
E përkthyeme prej Agron Shalës
E pra, djali jem’:
Jeta për mue s’âsht kânë shkallë prej kristali
Ka pasë gozhda aty
Edhe spirra
Edhe dërrasa t’thyeme
Edhe copa pa qilim t’shtruem –
Zhveshun
Ama tânë kohën
Jam ngjit përpjetë
Tue i hap dyert
Tue u kthye nëpër kande
Kanihere tue ec nëpër terr
Aty ku s’ka pasë hiç dritë
Kështu qí, djali jem
Mos e kthe kryet përmbrapa
Mos u ul n’shkallë
Veç pse po t’duket se ngjitja s’âsht e lehtë
Mos u rrëzo
Se, loçka jem’, unë hala po eci
Hala po ngjitem
E jeta për mue s’âsht kânë shkallë prej kristali