Trajneri i Bayern Munich, Julian Nagelsmann është i qetë edhe përkundër aktivitetit të ngadaltë të transferimeve nga klubi gjerman, pavarësisht nga një fillim zhgënjyes i para-sezonit të tij të parë në Allianz Arena.
Kampionët e Bundesligës me një skuadër të përbërë kryesisht nga lojtarët rezervë dhe të rinj u mposhten 3-2 nga Koln në miqësoren e së shtunës, debutimin jozyrtar të Nagelsmann si trajner.
Por, pavarësisht largimit të yjeve si David Alaba, Javier Martinez dhe Jerome Boateng gjatë verës, ish-trajneri i RB Leipzig është i lumtur të shohë gjërat të zhvillohen me ritmin e tyre.
“Kushtet financiare janë të njëjta me javën e kaluar. Gjithmonë kemi për detyrë të kontrollojmë gjithçka dhe të shohim se çfarë funksionon dhe çfarë nuk funksionon”, ka thënë fillimisht Nagelsmann për gazetarët pas ndeshjes.
“Ju duhet të reagoni ndaj rrethanave aktuale, kjo është mjaft normale. Por, nuk është se lojtarët do të jenë jashtë për katër muaj”.
📻 Alles Wichtige zu #KOEFCB bei uns im Webradio. 👇
— FC Bayern München (@FCBayern) July 17, 2021
“Ne nuk kemi nevojë për panik. Nëse kemi shumë lojtarë të dëmtuar, është normale që duhet të shikojmë”.
“Por, nëse këta lojtarë të dëmtuar duhet të pushojnë vetëm për gjashtë javë, nuk kemi nevojë të nxitojmë”, përfundoi trajneri i Bayernit. /Telegrafi/