Ish-kryetari i Këshillit Kombëtar Shqiptar në Luginë të Preshevës, Ragmi Mustafi ka paralajmëruar që do të kërkojë drejtësi te Gjykata Evropiane për Drejtat e Njeriut në Strasburg, pasi që s’po pajtohet me vendimin e Gjykata Supreme e Serbisë në lidhje me akuzën e tij ndaj zëvendëskryeministrit serb Aleksandar Vulin.
Termi “shqiptari” i përdorur nga Vulini, është arsyeja kryesore e padive nga ana e Mustafit në instancat e drejtësisë serbe, e në të cilat ai shtoi se “nëse nuk dënohet për nxitje të urrejtjes” do të drejtohet tek Gjykata Evropiane për të Drejtat e Njeriut në Strasburg, pasi që ky term është nxitje e dhunës, urrejtjes dhe tolerancës.
“Personalisht nuk mendoj që do të ketë qëndrim të drejtë sepse i tërë procesi ka treguar se kanë qenë të njëanshme Gjykatat dhe të ndikuara. Ka disa arsyeje, e para një proces i tillë është prolemuar që nga 25 gushti i 2019. Që pesë vite nga padia për qasje diskriminuese, nxitje të urrejtjes, dhunës dhe tolerancës. Ministri i Mbrojtjes, Punëve të Brendshme, Shef i BIA-s serbe dhe zëvendëskryeministër i Kosovës”, deklaroi ai për TV Dukagjinin.
“Kjo tregon që sistemi i drejtësisë në Serbi vazhdon të jetë peng i politikës, duke mbrojtur ata që bëjnë përçarje. Madje, këto vendime nga Gjykata e Lartë, Gjykata e Apelit, nga kërkesat për të evituar Gjykata Supreme Gjykatën e Apelit, jemi afër Gjykatës Kushtetueses ku do të ushtrojmë për të kaluar hallkën që Vulinin ta nxjerrim para Gjykatës Evropiane për të drejtat e Njeriut në Strassburg”, shtoi Mustafi.
“Nevojitet se Gjykatat në vazhdimësi kanë qenë në limitet e kohës., e gjithë procesi ka luajtur me limitet kohore të përcaktuar ligjore, në mënyrë për të zgjatur dhe tej-zgjatur për dekurajuar dhe për të u dorëhequr nga kjo. Ne nuk do të harrojmë dhe nuk do të ndalemi. Nuk është betejë ligjore, por betejë për dinjitet, për drejtat e shqiptarëve dhe respektimin e tyre. Strasburgu do të jetë arena e ardhshme”, tha mes tjerash ish-kryetari i Këshillit Kombëtar Shqiptar në Luginë të Preshevës.
