Kryetari i LDK-së, Isa Mustafa, ka thënë se qyteti i Pejës është “shembulli më i mirë se si qeveriset mirë”.
“Si thotë Gazmend Muhaxheri, LDK e ka pas e do ta ketë Pejën për 40 vjet”, ka thënë Mustafa në tubimin elektoral të mbajtur në qytetin e Pejës, njofton Klan Kosova.
“LDK është shtëpi e përbashkët e jona”, ka shtuar Mustafa, kur ka folur edhe për partnerët tjerë të koalicionit. “Pacolli (Behgjet) i ka vënë krahun këtij koalicioni që është shtëpia jonë e përbashkët”.
Mustafa ka theksuar se ata janë koalicion i dijes që ofron ndryshimin.
“Ne kemi ekspertë që dinë të bëjnë hapjen e vendeve të punës. Ne merremi me punë që ju jeni të interesuar”, ka përfunduar ai.
