Emisioni “Dueli Botëror” në RTV Dukagjini, ka vazhduar edhe sot ku të pranishëm ishin Bylbyl Sokoli, Ismet Munishi dhe Afrim Tovërlani, tre trajner të njohur të futbollit tonë.
Treshja e njohur do të jenë analistët e Kampionatit Botëror Katar 2022 në RTV Dukagjini.
Munishi dhe Tovërlani e kanë komentuar ndeshjen Argjentinë – Arabinë Saudite, ku argjentinasit pësuan humbje.
“Nëse kish me qenë Maradona gjallë, i kish mposht me Expresso. Messi nuk i afrohet Maradonës as deri te thembra”, ka thënë Munishi.
Në anën tjetër trajneri i Kosovës U-21, Afrim Tovërlani, ka folur për problemin që ka Argjentina.
“Dy qendërmbrojtësit Romero dhe Otamendi nuk janë në nivelin e duhur. Këto janë nivele shumë të larta dhe kundërshtari është në gjendje të të dënojë”, deklaroi ai.
Kjo është vetëm nata e katërt e emisionit “Dueli Botëror” i cili do zgjasë deri në finalen e madhe të Kupës së Botës. /Telegrafi/
