Trajneri skocez ka krahasuar mesfushorin kosovar, Adnan Januzajn, me legjendën e Unitedit, Wayne Rooney.
David Moyes ka dhënë një deklartatë interesante sa i përket futbollistit me prejardhje nga Kosova, Adnan Januzaj.
Sipas, ish-trajnerit të Unitedit, Januzaj është një talent i madh dhe në moshën 18-vjeçare ishte në nivel më të lartë se Rooney.
“Ai është një nga talentet më të mirë në botë”, ka deklaruar fillimisht Moyes, transmeton Telegrafi.
“Adnan Januzaj ishte më lartë se Wayne Rooney në moshën 18-vjeçare”, përfundoi ish-trajneri i Evertonit.
Kjo deklaratë e tij, sigurisht që do t’i zemëroj tifozët e Unitedit, të cilët kanë pikë të dobët Rooneyn, pasi ky i fundit ka shënuar shumë gola më fanellën e tyre. /Telegrafi.