Skuadra spanjolle ka siguruar biletën e fundit për Play-Off nga grupi B i turneut ESL Pro League.
Edhe pse ishin duke humbur 1 me 0 ndaj ekipit BIG, Movistar Riders arritën që të rikthehen në dy mapat e fundit për ta përmbyllur ndeshjen me rezultat të përgjithshëm 2-1 me mapa.
Paraqitja e mirë e lojtarëve Alejandro ‘alex’ Masanet dhe Antonio ‘Martinez’ Martinez e ndihmoi ekipin spanjoll drejt kualifikimit në Play-Off.
Ky ishte turneu i parë LAN i ekipit BIG, pas largimit të snajperistit ‘syrsoN’, i cili u zëvendësua nga lojtari i akademisë ‘hyped’.
Në anën tjetër ekipi Movistar Riders nuk kanë kaluar në një formë aq të mirë së fundmi, dhe renditen në vendin e 30 –të në ranglistën botërore.
Faza e Play-Off e turneut ESL Pro League do të mbahet në Malta, dhe për vendin e parë do të ndahen rreth 200.000 dollarë. /Telegrafi/