Befasi të shumta sa i përket rezultateve po ndodhin në fazën ‘Play-In’ të turneut IEM Cologne, pasi Movistar Riders mposhtën ekipin Vitality, ndërsa Outsiders mposhtën ekipin BIG.
Tashmë katër ekipe kanë siguruar pjesëmarrjen për në fazën e grupeve të IEM Cologne, ku i presin edhe tetë ekipet tjera të ftuara.
Movistar Riders befasuan ekipin Vitality, duke i mposhtur me rezultat të përgjithshëm 2-0 me mapa, ku paraqitje të mirë pati snajperisti i ekipit Movistar Riders, Alvaro ‘SunPayus’ Garcia.
Gjithashtu ekipi Outsiders befasoi ekipin BIG, duke i mposhtur me rezultat të përgjithshëm 2-0 me mapa, dhe duke ia siguruar vetes pjesëmarrjen në fazën e grupeve.
Me këto fitore Movistar Riders dhe Outsiders i bashkohen dy ekipeve të cilat janë kualifikuar më herët, Heroic dhe Spirit. /Telegrafi/