Pas shumë ndeshjeve interesante, dalëngadalë po afrohet edhe finalja e madhe e turneut IEM Rio Major, ku disa nga ekipet më të mira të botës tashmë janë eliminuar.
Dje (e enjte) u zhvilluan dy ndeshjet e para të Play-Off, ku ekipi Outsiders me lehtësi mposhti ekipin fnatic me rezultat të përgjithshëm 2-0 me mapa.
Ndeshje më interesante u zhvillua ndërmjet MOUZ dhe Cloud9, ku ekipi MOUZ edhe pse nuk ishin favorit, arritën që të eliminojnë ekipi Cloud9 duke i mposhtur me rezultat 2-1 me mapa.
.@mousesports eliminate @C9CSGO to make it to Rio Major semi-finals!#IEM pic.twitter.com/N4SLdv6o8F
— HLTV.org (@HLTVorg) November 11, 2022
Me këto fitore Outsiders dhe MOUZ janë dy ekipet e para që kanë siguruar gjysmëfinalen, ndërsa do të zhvillohen edhe dy ndeshje tjera në kuadër të çerekfinales.
Dy ndeshje tjera do të zhvillohen sot (e premte), Spirit do të përballet me ekipin Heroic nga ora 18:00, ndërsa Na’Vi ndaj FURIA do të zhvillohet nga ora 21:30. /Telegrafi/