Vazhdojnë të zhvillohen ndeshje interesante në raundin e parë të turneut të CS:GO – IEM Dallas 2023.
Deri më tani të gjitha skuadrat favorite kanë fituar ndeshjet e tyre, duke përjashtuar fnatic të cilët u mposhtën nga MOUZ me rezultat 16-9 në raundin e parë.
Ky rezultat duket të jetë shkaku i mungesës së KRiMZ, i cili është duke u zëvendësuar nga veterani f0rest.
Në anën tjetër Heroic kanë fituar ndeshjen e tyre të parë në Dallas ndaj ekipit 9z, me rezultat 16-9.
.@heroicgg prove to be too strong for @9zTeam on Mirage, closing out their opening match of #IEM Dallas 16-9 🙌 pic.twitter.com/vr7hwE9Vr5
— ESL Counter-Strike (@ESLCS) May 29, 2023
Tani pas përfundimit të të gjitha ndeshjeve të raundit të parë të grupit A, kanë filluar ndeshjet e grupit B me lojën e parë ndërmjet ENCE dhe Complexity.
Ndeshjet do të vazhdojnë të zhvillohen gjatë ditës së sotme në Dallas, ku do të luhet edhe raundi i dytë.
Të gjitha ndeshjet e turneut IEM Dallas 2023 janë duke u transmetuar në kanalin zyrtar të ESL TV në platformën Twitch. /Telegrafi/