Roma do të takohet me Sassuolon në kuadër të xhiros së 25-të në elitën e futbollit italian Serie A.
Giallorosët në këtë takim vijnë pas barazimit 0-0 ndaj Genoas dhe duan ta fitojnë ndeshjen për të mbetur në garë për një vend në Ligën e Kampionëve.
Jose Mourinho është rikthyer për të folur fillimisht për ndeshjen me Interin, ku Roma u eliminua prej Kupës së Italisë.
“Për 12 minuta kundër Interit ne bëmë një lojë të tmerrshme. Pas kësaj ne merituam më shumë dhe luajtëm shumë mirë. Frustrimi vjen nga fakti se ne mund të luajmë ballë për ballë me skuadrën më të fortë në Itali, siç bëmë, por më pas për 12 minuta luajmë shumë keq”.
“Mund të kishim pësuar dy gola në minutat e para, por nga minuta 12 deri kur shkoi ndeshja 2-0 mund të shënonim ne tre gola. Ndeshja e nesërme është ndryshe. Nuk ka më ndeshje për kupë, por kampionat”, u shpreh Mourinho.
Trajneri portugez vazhdoi të flas për ndeshjet në kampionat, ku takimi i radhës është me Sassuolon në Mappei Stadium.
“Unë nuk do t’ju them se kush luan, çfarë skeme do të përdorim. Është një pyetje futbolli, por nuk dua t’ju përgjigjem”.
“Natyrisht Zaniolo nuk luan, padyshim dikush do të luajë atje. Ne e kemi studiuar mirë Sassuolon, por edhe pse mund t’i studiosh mirë është e vështirë të luash kundër tyre. Ata kanë një cilësi vërtet të lartë loje”, deklaroi portugezi. /Telegrafi/