Se asgjë nuk po i ecë mirë Jose Mourinhos te Manchester Unitedi tashmë është fakt.
Trajneri portugez në ditët e fundit ka pasur prishje të raporteve me Paul Poban, por duket se francezi nuk është lojtari i vetëm që ka pranuar kritika nga Special One.
Fox Sport Chile raporton se ylli kilian është ndier i turpëruar nga Mourinho pasi ky i fundi e qortoi atë në stërvitjen e së hënës në prani të gjithë bashkëlojtarëve.
Trajneri i Djajve të Kuq nuk është aspak i kënaqur me nivelin e paraqitjeve që Sanchez po kalon së fundmi dhe këtë nuk ka ngurruar t’ia thotë në sy të gjithëve.
Pas këtyre komenteve Mourinho ka vendosur ta lë jashtë skuadrës sulmuesin 29 vjeçar për ndeshjen ndaj West Hamit, që në fund e humbën me rezultat 3-1.
Sanchezi nuk ka shënuar ende gol në këtë sezon dhe ka dhuruar vetëm një asistim në Ligën Premier në 333 minuta lojë.
Vlen të theksohet se gjithashtu në media është raportuar se Mourinho është i gatshëm të shes kilianin gjatë janarit. /Telegrafi/