Roma nuk ka arritur më shumë e një barazim pa gola 0-0 ndaj Genoas të shtunën pasdite në Olimpico.
Giallorosët shënuan një gol të vonshëm me Nicolo Zaniolon, por që pastaj ai u anulua pasi paraprakisht Tammy Abraham kishte shkaktuar një faull.
Vetëm dy minuta pasi shënoi golin, Zaniolo u përjashtua me karton të kuq nga gjyqtari kryesor dhe që habiti të gjithë pasi nuk dihej arsyeja pse ndodhi një gjë e tillë.
Ka qenë trajneri i Romës, Jose Mourinho që ka zbuluar arsyet se pse Zaniolo u përjashtua nga gjyqtari kryesor vetëm për një fjalë goje.
“Zaniolo u ndëshkua me karton të kuq pasi i tha gjyqtarit se për çfarë dreq faulli po vërshëllen. Tani më thoni, a do të ndëshkoheshin Chiellini në stadiumin e Juventusit apo Zlatani në San Siro pse ka thënë diçka të tillë”, u shpreh Mourinho pas ndeshjes.
“Mund të komentoj ndeshjen, por jo golin dhe kartonin e kuq të Zaniolos. Nëse këto janë indikacionet që kanë marrë gjyqtarët dhe ai është faull, atëherë duhet të ndryshojmë emrin e këtij sporti, nuk mund të quhet më futboll”.
Tutje trajneri portugez ka lëshuar një tjetër deklaratë të fortë duke thënë se Roma është e vogël në sytë e pushtet.
“Nëse gjyqtari ka gabuar dhe duhet ta jepte gol, atëherë ai është i pari që duhet të jetë i pakënaqur dhe për ne të Romës kjo është një situatë e përjetuar më parë. Gjatë këtij sezoni na kanë ndodhur shumë raste të tilla. Nesër është një ditë e re. Roma është shumë e vogël në sytë e pushtetit”, u shpreh Mourinho i revoltuar. /Telegrafi/
