Jose Mourinho me të drejtë nuk ishte aspak i kënaqur me lojtarët e tij për ndeshjen ndaj Lokomotiv Plovdiv, ndërsa u ndal dhe foli disa fjalë për kundërshtarin e radhës, Shkëndijën.
Bullgarët ishin në epërsi, por në fund mbetën pa dy lojtarë dhe u lejoi Tottenhamit rikthimin në lojë.
Pas ndeshjes, trajneri portugez foli për kundërshtarin e radhës në kualifikimet për Ligën e Evropës, që do të jetë Shkëndija, e cila e kaloi me sukses Botosanin e Rumanisë.
“Me një ndeshje është gjithmonë rrezik. Po të kishte dy ndeshje do të mund të relaksoheshim pak. Tani nuk është kështu. Do të jetë e rrezikshme edhe në Maqedoni”.
“Sinqerisht nuk di asgjë për Shkëndijën, do ta filloj analizën kur të vijë koha”.
“Ne do të duhet të luajmë së pari kundër Southampton dhe pastaj ndaj Leighton Orient”, ka thënë Mourinho. /Telegrafi/