Jose Mourinho raportohet se ka marrë njoftim nga Manchester Unitedi se ai është zgjedhja e parë për të zëvendësuar Louis Van Gaalin, nëse holandezi largohet nga Old Traffordi këtë verë.
Që nga largimi prej Chelseat në dhjetor, trajneri portugez është përfolur për kalim në shumë skuadra evropiane, por më së shumti me Unitedin. Këto spekulime janë shtuar edhe më shumë pasi trajneri Van Gaal ka dështuar të garojë për titullin e Premier Ligës dhe që të kualifikohej në “Champions”.
Sipas “SkySports News”, nuk është marrë asnjë vendim për të ardhmen e holandezit, por Mourinho është informuar se ai është në ‘pole-position’ për të zëvendësuar holandezin, nëse ky largohet, transmeton Koha.net.
“Special One” thuhet se është në bisedime edhe me kampionin e Francës, Paris Saint-Germain.