Jose Mourinho nuk ka dyshim se Zlatan Ibrahimovic do të rezultojë i suksesshëm te Manchester Unitedi duke pohuar se ai është në formë të mirë dhe se trupi i tij është mahnitës.
Suedezi u largua nga Paris Saint-Germaini pas përfundimit të kontratës dhe kaloi në Old Trafford si lojtar i lirë.
34-vjeçari ka fituar tituj në Eredivisie, Serie A, La Liga dhe Ligue 1 gjatë karrierës së tij mbresëlënëse, prandaj portugezi nuk ka dyshim për aftësitë e tij edhe në Ligën Premier.
“Të jemi të sinqertë, Ibrahimovic është shumë i pasur. Ai ka fituar para gjatë gjithë karrierës, ai ka fituar shumëçka, prandaj vjen në kampionatin më të vështirë në botë, vetëm atëherë kur mendon se mund t’ia dalësh”.
“Nëse mendon se nuk ia del, shkon në Amerikë, Kinë ose qëndron në ligën franceze edhe për një sezon… Motivimi i tij është i lartë dhe trupi i tij është mahnitës”, ka thënë Mourinho. /Telegrafi/