Adnan Januzaj ka folur rreth marrëdhënies së tij me trajnerin e Manchester Unitedit, Jose Mourinho.
Januzaj është larguar këtë verë nga Djajtë e Kuq për tu transferuar te Real Sociedadi për një shifër rreth 11 milionë euro.
Arsyeja e largimit të tij ishte se mesfushori me tipare sulmuese nuk bënte pjesë në planet e trajnerit Mourinho.
Megjithatë, Januzaj ka theksuar se nuk ka inat ndaj ‘Special One’, por vetëm respekt pasi lejoi largimin e tij nga Old Trafford.
“Natyrisht, Jose Mourinho është një trajner i mirë, por nuk kam pasur shumë lidhje me të”, ka thënë fillimisht Januzaj.
“Unë e respektoj shumë atë sepse është ai që e la derën hapur për mua që të largohem nga Manchester Unitedi”, përfundoi mesfushori me prejardhje nga Kosova. /Telegrafi/