Manchester United dëshiron ta përforcojë edhe më shumë fazën ofensive për edicionin e ri.
Djajtë e Kuq pritet ta shesin yllin francez Anthony Martial që nuk ka pranuar vazhdimin e kontratës.
E zëvendësuesi i Martialit do të vije nga kampionati anglez por që është një sulmues brazilian.
Fjala është për talentin e madh të Watfordit, brazilianin Richarlison që ka shkëlqyer këtë edicion në Angli.
Trajneri i United, Jose Mourinho është një adhurues i madh i lojës së futbollistit dhe ka kërkuar transferimin e tij në Old Traford.
Sipas medieve angleze, Manchester United do të provojë me një ofertë të parë prej 40 milionë eurove në verë.
Mbetet të shihet nëse Watford do të pranojë këtë ofertë apo do të kërkojë edhe më shumë.
20-vjeçari gjithashtu po kërkohet edhe nga skuadrat tjera të mëdha si Arsenal, Chelsea, PSG dhe Tottenham.
Në 33 ndeshje në Ligën Premier, braziliani ka arritur të shënoj pesë gola dhe të asistoj në gjashtë të tjerë. /Telegrafi/