Sipas Institutit Hidrometeorologjik të Kosovës, moti mbi vendin tonë gjatë pesë ditëve të ardhshme do të jenë të ngrohta dhe stabile.
“Vendi ynë vazhdon të mbetet nën ndikimin e masave të ngrohta të ajrit me presion të lartë atmosferik. Këto masa të cilat mbuluan vendin tonë ditë më parë do të jenë stabile edhe për këto pesë ditë të ardhshme të javës. Temperaturat minimale do të lëvizin ndërmjet 6-9 gradë Celsius, kurse maksimalet e ditës pritet të lëvizin ndërmjet 20-24 gradë Celsius. Do të fryjë erë nga drejtimi i juglindjes, me shpejtësi 1-9m/s. Gjatë vikendit ka tendencë të ketë çrregullim të përkohshëm të motit dhe ulje të temperaturave maksimale, për shkak të fushave të ulëta barike dhe kushteve për reshje të shiut”, thuhet në njoftim. /Telegrafi/