Ky është momenti rrëqethës kur tavani i një palestre shembet mbi “kokat e lojtarëve” si pasojë e lëkundjeve të fuqishme të tërmetit që goditi Tajvanin gjatë të dielës.
Disa lojtarë po luanin brenda palestrës në qytetin Taoyuan rreth 20 milje në perëndim të Taipeit, kur tërmeti goditi Tajvanin.
Në videon e filmuar nga kamerat e sigurisë, shfaqet momenti kur vjen deri te shembja e tavanit dhe lojtarët e badmintonit vraponin në tërë anët për t’i shpëtuar më të keqes.
Kujtojmë që të dielën Tajvani është goditur nga një tërmet tejet i fuqishëm, që kishte një fuqi shkatërruese prej 6.8 shkallë të Rihterit, duke bërë që shumë ura, ndërtesa e hekurudha të shkatërrohen nga dridhjet.
Madje pamjet nga Tajvanin ngjasonin me pamjet “apokaliptike” nga filmat e Hollywood-it, ku gjithçka ishte shkatërruar.
Në një video shihet se si edhe treni me disa vagonë lëkundet sikur të ishte i punuar nga letra. /Telegrafi/
