Presidenti i Jeju Air, Kim E-bae, u përkul teksa u kërkoi falje familjeve të prekura nga aksidenti me aeroplan në Korenë e Jugut, duke thënë se ndjen “përgjegjësi të plotë” për rrëzimin.
Bëhet e ditur se 179 persona vdiqën dhe dy u shpëtuan nga aeroplani me 181 persona që u rrëzua në aeroportin ndërkombëtar Muan në Korenë e Jugut.
Fluturimi 7C2216 i Jeju Air, i cili po shkonte nga kryeqyteti i Tajlandës, Bangkok me 175 pasagjerë dhe gjashtë anëtarë të ekuipazhit, u përpoq të ulej rreth orës 9 të mëngjesit në aeroportin në jug të vendit.
Një burrë dhe një grua, anëtarë të ekuipazhit, u shpëtuan, ndërsa të gjithë të tjerët vdiqën, përcjell Telegrafi.
The CEO of Jeju Air bowed in apology on Sunday after one of his airline’s planes crashed and burst into flames at an airport in South Korea, killing at least 120 people.https://t.co/GT0oysAiV8 pic.twitter.com/9ObDweDjGp
— Sky News (@SkyNews) December 29, 2024
Pamjet e publikuara tregojnë Boeing 737-800 duke rrëshqitur në pistë pa pajisje uljeje, duke goditur një mur dhe duke shpërthyer.
Hetuesit po shqyrtojnë mundësinë që përplasja të jetë shkaktuar nga një goditje zogjsh ose nga kushtet e këqija të motit.
Autoritetet e aeroportit raportuan se goditja e shpendëve e bëri të pamundur funksionimin e sistemit hidraulik të uljes.
Pas aksidentit, presidenti në detyrë i Koresë së Jugut, Choi Sang-mok shpalli shtatë ditë zie kombëtare, e cila do të zgjasë deri më 4 janar.