Momenti më emocionues i mbrëmjes, tifozët e Finlandës dhe Danimarkës i këndonin së bashku Eriksenit

Tifozëritë e Danimarkës dhe Finlandës kanë dhuruar njërin nga momentet më emocionues të mbrëmjes, kur Christian Eriksen pësoi arrest kardiak gjatë ndeshjes së vlefshme për grupet e Euro 2020.

Eriksen ra pa ndjenja në fushë në minutën e 43-të në ndeshjen e Danimarkës ndaj Finlandës të shtunën mbrëma, situatë që tronditi botën e futbollit.

Për 15 minuta nuk dihej nëse Eriksen do të shpëtonte dhe vetëm pas kësaj kohe dhe intervenimin bravuroz të ekipeve mjekësore, mesfushori arriti të këndellet dhe të niset për spital.

Lexo po ashtu “Papritmas nuk e ndjemë pulsin e tij”, mjeku i Danimarkës përshkruan momentet e frikshme pas sulmit në zemër të Eriksenit

Megjithatë, gjatë kësaj kohe ishte një moment shumë emocionues, ku u vërtetua se jeta e njeriut është para çdo rivaliteti.

Tifozët e Finlandës, iu bashkuan atyre të Danimarkës për të kënduar së bashku emrin e Christian Eriksen, i cili po largohej nga stadiumi drejt spitalit.

Derisa njëri tifozëri thërriste “Christian”, tjetra ia kthente “Eriksen”, duke emocionuar të gjithë rreth mbështetjes së yllit danez. /Telegrafi/

Luani dhe fitoni shpërblime këtu >

Më shumë lajme nga kampionati Euro 2020 >
—