Momentet më të mira gjatë ndeshjes çerekfinale të PGL Antwerp Major CS:GO – ENCE kundër Copenhagen Flames  

ENCE ka siguruar gjysmëfinalen pasi mposhti Copenhagen Flames, me rezultat të përgjithshëm 2:0 me mapa në turneun më të madh të CS:GO, PGL Antwerp Major.

Ndeshja plot emocione, me një numër të madh shikuesish në sallën Antwerp Sportpaleis, ka përfunduar në të mirë të ekipit ENCE, i cili tash e sa turne po tregon lojë fantastike.

Lojtari i tyre ‘Spinx’ po shkëlqen gjatë këtij turneu të madh, duke e ndihmuar ENCE në rrugëtimin për të fituar PGL Antwerp Major.

Momente të mira pati nga të dyja ekipet në këtë ndeshje në formatin ‘Bo3’, ‘nicodooz’ me tri eliminime në raundin e parë  të mapit të parë, ‘hades’ për pak sa nuk fitojë raundin një kundër tre në ‘Nuke’, e shumë aksione të tjera.

Lexo po ashtu ENCE është ekipi i radhës që siguron gjysmëfinalen në PGL Antwerp Major CS:GO

Me këtë fitore ENCE, tani pret të shtunën në gjysmëfinale, fituesin e ndeshjes Na’Vi kundër Heroic. /Telegrafi/