Momente nga ndeshja e parë e Counter-Strike 2

Dhjetë emra të famshëm të skenës së CS:GO të ndarë në dy ekipe, u përballën ndaj njëri tjetrit në ndeshjen e parë të Counter-Strike 2.

Counter-Strike 2 sapo është lansuar nga Valve, në version testues ku vetëm persona të caktuar mund ta testojnë lojën në motorin e ri ‘Source 2’.

Transmetimi i sotëm i ESL Pro League filloi me një ndeshje showmatch midis disa prej profesionistëve dhe komentuesve më të mirë dhe më të ndritur të skenës së CS:GO.

Kjo ndeshje u zhvillua para fillimit të finales së madhe ndërmjet FaZe dhe Cloud9 në Malta.

Ndeshja e showmatch u zhvillua ndërmjet ekipit The Beta Boys dhe 27015.

Fitues të ndeshjes dolën skuadra 27015 me rezultat 16-14, në mapin Dust II.

Pjesë e skuadrës The Beta Boys ishin: Krad, NertZ, cadiaN, TeSeS dhe komentuesi JustHarry.

Ndërsa pjesë e skuadrës 27015 ishin: fame, Snappi, dycha, shalfey dhe trajneri i Heroic, Xizt.

Më poshtë e gjeni ndeshjen e plotë të këtij showmatchi në Counter-Strike 2. /Telegrafi/