Moderatori i një radioje lokale në Filipine është vrarë gjatë transmetimit të drejtpërdrejtë nga sulmues të armatosur, që u futën në shtëpinë që ishte shndërruar në studio.
Juan Jumalon, 57-vjeç, u qëllua me dy plumba në kokë gjatë transmetimit të programit të mëngjesit në Facebook në qytetin Kalamba, transmeton Telegrafi.
Në pamjet rrëqethëse të sulmit, shihet prezantuesi i habitur, duke ngritur kokën pak sekonda para se të shkrepeshin plumbat.
Sulmuesi që nuk shihet në video, më pas ia merr zinxhirin e floririt nga qafa, para se të largohej me motoçikletë me një person tjetër që e priste para shtëpisë.
Jumalon është shpallur i vdekur rrugës për në spital. Motivi i vrasjes së moderatorit mbetet i panjohur për autoritetet e sigurisë. /Telegrafi/
Juan Jumalon, or Johnny Walker, was shot dead during the live broadcast of his program on 94.7 Calamba Gold FM, a local radio station in Calamba, Misamis Occidental. pic.twitter.com/bx6x5T1Rcf
— Hainnaan Bird (@zhirkev) November 5, 2023