Mesfushori i Manchester Unitedit, armeni Henrikh Mkhitaryan, është përplasur me menaxherin e tij, Jose Mourinho, pas shikimit të një video pas një ndeshje ku portugezi e kritikoi shumë lojtarin.
Mkhitaryan nuk po kalon ditët e tij më të mira në Old Trafford, pasi po ka mungesë të theksuar të minutave të lojës.
E gjithë kjo thuhet se vjen pas raporteve jo të mira të tij me trajneri Mourinho, i cili thuajse e ka përjashtuar duke mos e ftuar fare në ndeshje.
Sipas The Sun, dyshja Mkhitaryan-Mourinhu u përplasen gjatë një analize me video gjatë fitores kundër Brightonit muajin e kaluar.
Mourinho ishte i pakënaqur me angazhimin e armenit në mbrojtje dhe një gabim që ai bëri pasi hyri në fushë në fitoren 1-0.
‘Special One’ ishte gjithashtu i pakënaqur për kontributin e tij kundër Chelseat në humbjen 1-0 më 5 nëntor.
Mkhitaryan, 28 vjeç, u kritikua nga Mourinho përpara gjithë skuadrës gjatë seancës me video pas ndeshjes.
Por, armeni që kushtoi 30 milionë funte ishte i zemëruar dhe mbrojti veten dhe argumentoi ende pas seancës.
Trajneri portugez në një intervistë të tij e thumboi keq Mkhitaryanin, për të cilin tha se duhet ta meritoj vendin për të luajtur. /Telegrafi/