Pranë liderit të Koresë së Veriut muajve të fundit po shfaqet një grua me çantë të zezë, shfaqja e të cilës ka nxitur kureshtje të madhe.
Kjo grua misterioze e veshur me fustan, bartë syze dhe një çantë të zezë – është imazh i ri i rrethit të ngushtë të Kim Jong-un, por identiteti i saj deri më tani mbetet sekret, transmeton Telegrafi.
Ishte pranë Kimit javën e kaluar gjatë një koncerti të madh që mbahej në ambient të hapur, dhe gjithashtu është parë duke bartur dosje gjatë fjalimeve të liderit suprem, kur edhe theksoi se kurrë nuk do të heq dorë nga armët bërthamore.
Mediat verikoreane që janë nën kontrollin e rreptë të autoriteteve të atjeshme, prej muajsh publikojnë fotografi dhe video ku shihet kjo grua – që nganjëherë edhe shumë pranë Kimit, e me raste qëndron larg, të cilën deri më tani nuk kanë arritur ta identifikojnë.
Portali amerikan NK News, që përcjellë Korenë e Veriut, për herë të parë e vërejti prezencën e saj në shkurt dhe prej asaj kohe vazhdimisht raporton për të.
“Zakonisht mbanë çantë, sigurisht me gjësendet që lideri verikorean ka nevojë në çdo moment siç është telefoni, cigaret apo ilaçet”, thuhet në këtë ueb-faqe.
Vlerësohet se ajo mund të jetë rreth të 30-ve apo edhe të 40-ve, dhe spekulohet se mund të jetë familjare e Kimit. /Telegrafi/