Drejtori sportiv i Milanit, Massimiliano Mirabelli ka thënë se Suso mund të shkojë te Inter, por ata duhet të iu japin Mauro Icardin, Ivan Perisicin dhe Marcelo Brozovicin së bashku.
Raportet e para dolën mbrëmë se Nerazzurrët shpresonin të tërhiqnin një lëvizje të bujshme te rivalët e qytetit për sulmuesin anësor spanjoll.
Kjo pasi mendohet se Susos ka një klauzolë lirimi e cila mendohet të jetë rreth 40 milionë euro.
Interi u takua me agjentin e tij, Alessandro Lucci, por duket se rivalët e tyre të qytetit kanë mbyllur derën për ndonjë marrëveshje.
“Mirë, le të bëjmë marrëveshjen me Interin për Suson”, citohet të ketë thënë fillimisht Mirabelli për SportMediaset.
“Por, ata duhet të na japin së bashku Icardin, Perisicin dhe Brozovicin”, përfundoi drejtori sportiv i Milanit.
Ndryshe, gjatë mbrëmjes së të mërkurës u përfol se Interi është gati të ofrojë mesfushorin italian, Antonio Candreva, si pjesë të marrëveshjes.
Në anën tjetër, sipas mediave italiane, Jose Callejon është identifikuar nga Milani si zëvendësues i Susos, lojtar i cili është gati të largohet nga Napoli pas largimit të Maurizio Sarrit. /Telegrafi/