Chelsea ishte në kërkim të anësorit të Crystal Palace, Michael Olise, por ky i fundit ka nënshkruar një kontratë katërvjeçare me klubin.
Ka qenë klubi që ka njoftuar për kontratën e re të lojtarit, ndërsa Chelsea mund të përballet me padi.
Sipas Fabrizio Romanos, Crystal Palace informoi avokatët e tyre, duke dashur të shkojnë në gjykatë në lidhje me qasjen e Chelseat për Olise.
‘Shqiponjat’ ishin të zemëruar me Chelsean, pasi ata punuan pas shpine për të rënë dakord për kushtet personale me lojtarin e tyre.
Ky kërcënimi i besueshëm ligjor e detyroi Chelsean të tërhiqej, gjë që bëri që Olise të nënshkruante një marrëveshje të re me Palace.
Michael Olise. Crystal Palace.
Four years ✅
— Crystal Palace F.C. (@CPFC) August 17, 2023
Blutë tani do të kërkojnë lojtarë të tjerë sulmues për të mbushur boshllëkun e lënë nga lëndimi i Christopher Nkunku. /Telegrafi/