Vetëm pak orë pasi presidenti i Serbisë, Aleksandar Vuçiq, deklaroi se javën e ardhshme do t’i prezantojë publikut armën më të fuqishme të ushtrisë serbe, gjashtë aeroplanë transportues ushtarakë kinezë u ulën pranë fqinjëve tonë verior.
Mbrëmë, pas stërvitjes ushtarake “Mburoja e zjarrit 2022” e mbajtur nga ushtria serbe, Vuçiq tha se të martën ose të mërkurën do të prezantohen armët e reja, të cilat do të jenë “arma më e fuqishme që do të ketë Serbia deri më tani”.
https://twitter.com/200_zoka/status/1512783225252372482
Me siguri të lidhur ngushtë me këto njoftime, shërbimi i gjurmimit të fluturimeve dje ka regjistruar lëvizjen e gjashtë aeroplanëve mallrash Y-20 të Ushtrisë Çlirimtare Popullore të Kinës, të cilët lëvizën drejt hapësirës ajrore të Serbisë.
Aeroplanët kinezë të mallrave u ulën në aeroportin ndërkombëtar Nikola Tesla të Beogradit dhe vëzhguesit vunë re shenjat e tyre.
Më vonë u raportua se aeroplanët ia dorëzuan ushtrisë serbe sistemin kundërajror me rreze të mesme HQ-22. Washington Post shkroi se qeveria amerikane e kishte paralajmëruar në vitin 2020 Beogradin për blerjen e këtyre pajisjeve.
Interesting find by @Prova_61 👍 … In fact I have never seen before this, what appears to be the hatch removed for the chaff & flare dispenser boxes.
(Images via @铁马军戈战沙场 from Weibo) pic.twitter.com/3xBOrkMlmI
— @Rupprecht_A (@RupprechtDeino) April 9, 2022
Serbia thuhet se zgjodhi HQ-22 në vend të sistemit anti-ajror të Rusisë S-300, në një veprim të befasishëm.
Çmimi mund të jetë një faktor kryesor në një vendim të tillë. /Telegrafi/
