Deputeti shqiptar në parlamentin serb, Shaip Kamberi ka reaguar ndaj medieve në Serbi të cilat vazhdimisht e kanë sulmuar atë.
Përmes një postimi në Facebook, ai ka publikuar disa nga titujt e lajmeve të publikuara në mediet e afërta me pushtetin në Serbi.
Kamberi ka thënë se këto mediume janë të kontrolluara nga presidenti i Serbisë, Aleksandar Vuçiq.
Tutje ai shtonë se këto presione nuk do ta ndalin betejën e tyre për të drejta.
“Presionet që vijnë nga mediumet e kontrolluara nga A. Vuçiq nuk mund ta ndalin betejën tonë për të drejta”, shkruan Kamberi. /Telegrafi/
