Është përmbyllur edicioni i rregullt në Raiffeisen Ligën e Parë të Kosovës në futboll, ku Suhareka dhe Ferizaj janë kurorëzuar një javë më herët si kampione në grupet respektive.
Sot pas javës së 27-të (të fundit) janë përcaktuar edhe dy skuadrat që do të luajnë në ndeshjen e barazhit të kësaj lige.
Do të jenë Dinamo dhe Prishtina e Re, që më 26 maj do të përballen në stadiumin “Rexhep Rexhepi” në Drenas.
Skuadra fituese do të luajë më pas më 1 qershor ndeshjen e barazhit për hyrje në elitë, me skuadrën që e mbyll kampionatin në pozitën e 8-të në renditjen e AlbiMall Superligës.
Po ashtu, rezultatet e javës së fundit vendosen edhe për skuadrën që do të përshëndetet nga ky rang i garave në Grupin A, ku pas humbjes në Gjakovë, Phoenix bie në Ligën e Dytë.
Ndërkaq, në Grupin B, janë përjashtuar më herët Vllaznia dhe Ulpiana. /Telegrafi/
GRUPI A – LIGA E PARË
GRUPI B – LIGA E PARË
