Marseille ishte skuadra e eliminuar pas një dite të çmendur në Grupin D në Ligën e Kampionëve. Goli i minutës së 95-të i Tottenhamit në Stade Velodrome i vendosi londinezët në vendin e parë dhe e rrëzoi skuadrën franceze nga pozita e Ligës së Evropës.
I dyti në grup ishte Eintracht Frankfurt, i cili mundi 2-1 Sporting Lisbonën (që do të luajë në Ligën e Evropës), dhe ky rezultat (i cili kishte qenë që nga minuta e 72-të) nënkuptonte që barazimi 1-1 midis Marseille dhe Tottenhamin do të kualifikonte skuadrën franceze nga vendi i tretë.
Megjithatë, siç pranoi lojtari Chancel Mbemba, skuadra nuk ishte në dijeni të këtij fakti gjatë ndeshjes. Qendërmbrojtësi kongolez u pendua që askush nuk i informoi lojtarët se rezultati u mjaftonte.
🔚 FT: OM – @SpursOfficial 1-2
⚽ Mbemba 45+2’, Lenglet 54’, Hojbjerg 90+5’#UCL | #OMTOT pic.twitter.com/oOzbiKu8Dy— Olympique de Marseille 🇬🇧 🇺🇸 (@OM_English) November 1, 2022
“Në fushë nuk e dinim, por në stol njerëzit e dinin. Nuk kishte asnjë komunikim. Jemi të zemëruar sepse ndodhi në fund, por nuk e dinim. Është gabimi ynë”, ka thënë Mbemba për RMC Sport.
Goli i Pierre-Emile Hojbjerg në minutën e 95-të nga një kundërsulm konfirmoi fitoren e Tottenhamit dhe eliminimin e Marseille nga të gjitha garat evropiane.
Goli erdhi me ndeshjen tjetër të grupit tashmë të përfunduar dhe me Tottenham dhe Marseille që të dy kërkonin një gol të dytë. /Telegrafi/