Sulmuesi i Paris Saint-Germain Kylian Mbappe ka uruar rivalët e Lyonit pas kalimit në gjysmëfinale të Ligës së Kampionëve dhe njëherit ka thumbuar të gjithë kritikët e kampionatit francez, Ligue 1.
Lyoni ka arritur të befasojë të gjithë duke mposhtur Manchester Cityn me rezultat 3-1 në ndeshjen çerekfinale të Ligës së Kampionëve.
Kjo fitore ka bërë që Lyoni të kalojë në gjysmëfinale ku do të ndeshet me Bayern Munichun, ndërsa bëhet klubi i dytë francez në këtë fazë të garës.
Fakti se dy klube franceze gjenden në gjysmëfinale të Ligës së Kampionëve ka bërë që ylli i PSG-së, Kylian Mbappe të thumbojë kritikët e Ligue 1.
FARMERS LEAGUE 🤡
👏🏽👏🏽👏🏽 @OL
— Kylian Mbappé (@KMbappe) August 15, 2020
“Liga e fermerëve”, ka shkruar Mbappe, duke thumbuar kritikët të cilët i referohen kampionatit francez me këtë emërtim.
Në atë postim, ylli francez ka duartrokitur edhe suksesin e Lyonit. /Telegrafi/