Marca: Ibra e la futbollin te Milani, por një Ibrahimovic i ri po shkëlqen te Frosinone

Ndoshta do të duhen vite dhe dekada që Zlatan të mos jetë gjëja e parë që ju vjen në mendje kur përmendni mbiemrin Ibrahimovic.

Mirëpo, në skenën më të madhe të futbollit ka hyrë së fundmi, Arijon Ibrahimoviç, anësori me origjinë nga Kosova, i cili është vetëm 17 vjeç dhe kërcënon të bëhet një atraksion i vërtetë në futbollin evropian.

Arjoni është ende zyrtarisht lojtar i Bayern Munich, por që nga ky sezon është i huazuar te Frosinone. I riu bëri paraqitjen e tij të parë për skuadrën italiane, e cila luan në Serie A, kundër Romës më 1 tetor, por fillimin e parë e bëri kundër Torinos një muaj më vonë.

Lexo po ashtu Askush si Arijon Ibrahimovic këtë sezon në top pesë ligat evropiane, ndeshja ndaj Empolit për 17-vjeçarin ishte rekord ne vete

Në atë ndeshje Frosinone fitoi me rezultat 2-1, kurse Ibrahimovic u dallua me gol në minutën e 5-të.

Në ndeshjen e radhës, Arion e nisi sërish ndeshjen dhe e shpërbleu me një gol spektakolar dhe një asistim për fitoren 2-1 ndaj Empolit.

Ai u shpall lojtari i ndeshjes në paraqitjen e tij të katërt në Serie A.

Frosinone mund ta blejë Ibrahimoviçin për 3.5 milionë verën e ardhshme, dhe Bayern Munich mund ta kthejë atë në vitin 2024 për 11 milionë, ose në 2025 për 15 milionë euro.

Ibrahimovic, ka rrënjë kosovare dhe mund të luajë si sulmues krahu i majtë dhe i djathtë, si dhe në mesin e fushës. Ai kaloi shkollën e futbollit të Bayern Munich dhe më shumë gjasë ai do të pres Gjermaninë për ta përfaqësuar.

Zlatan Ibrahimovic u tërhoq nga futbolli në fund të sezonit të kaluar, por tani mund të kemi zëvendësuesin e tij. Koha do të tregojë. /Telegrafi/