Legjenda e futbollit botëror, Diego Armando Maradona njihet si një mik i mirë i trajnerit portugez Jose Mourinho.
Skuadra e portugezit, Manchester United mori një barazim 1-1 në shtëpi ndaj Arsenalit edhe pse kishte raste të shumta shënimi për ta siguruar më herët fitoren.
Por duket se paraqitja e ‘Djajve të Kuq’ ndaj Arsenalit i ka pëlqyer shumë Maradonës që e ka telefonuar Mourinhon.
Mourinho e ka postuar një foto me legjendën e Argjentinës në Instagram për ta falënderuar atë për telefonatën.
“Pas një ndeshje të mirë të luajtur ndaj Arsenal, por që nuk morëm rezultatin e duhur, një telefonatë motivimi nga ana e mbretit Diego”.
“Të falënderoj për telefonatën miku im, nga ana ime, familjes, miqve, lojtarëve dhe të gjithë fansave të Manchester United. E hëna do të jetë sërish një ditë e bukur”, shkroi Mourinho. /Telegrafi/
