Maqedonia pësoi edhe humbjen e dytë në kampionatin evropian të hendbollit që po luhet në Kroaci, përcjell Telegrafi Maqedoni.
Në ndeshjen kundër Çekisë, në rethin e dytë të fazës kryesore në Grupin 2, Maqedonia pësoi në minutat e fundit të ndeshjes, me rezultat 24-25, ndërkaq në këtë grup hyri si e para, me dy fitore dhe një barazim.
Edhe pse Maqedonia arriti një epërsi prej +5 golash në pjesën e dytë, megjithatë nuk arriti t’i rezistoj trysnisë çeke, si edhe bëri disa gabime fatale, përfshi edhe huqjen e penaltive, siç ishte ajo e sekondave të fundit, kur Dejan Manaskov nuk realizoi gol që do t’i jepte barazimin Maqedonisë dhe do të mbante shpresat për një kualifikim në gjysmëfinale.
Ndeshjen e radhës, Maqedonia do ta luaj kundër ekipit të Danimarkës, sonte në ora 18:15./Telegrafi/