Mario Mandzukic shpenzoi 4.000 euro për blerjen e pijeve për njerëzit në vendlindjen e tij për të parë Kroacinë që mposhti Rusinë në penallti në Kupën Botërore ‘Rusia 2018’.
Mandzukic ka bërë një gjest të madh për bashkëvendësit e tij në vendlindje.
Sulmuesi i Juventusit qerasi gjithë bashkëvendësit e tij në një bar në Kroaci gjatë ndeshjes së mbrëmshme çerekfinale ndaj Rusisë.
Ai shpenzoi plot 4 mijë euro për blerjen e pijeve për njerëzit në vendlindjen e tij për të parë Kroacinë që mposhti Rusinë në penallti.
Lajmi u konfirmua nga Radio Slavonija, duke vënë në dukje se mbështetësit u mblodhën në Kështjellën e Brodit në Slavonski Brod të Kroacisë dhe të gjitha pijet ishin nga sulmuesi kroat.
Nuk është hera e parë që sulmuesi 32-vjeçar ka treguar bujarinë për atdheun e tij, pasi vitin e kaluar ai ka dhuruar rreth 20,000 euro për zjarrfikësit në Dalmaci.
Kroacia do të përballet me Anglinë në gjysmëfinale të Kupës Botërore, ndërsa Belgjika do të luajë ndaj Francës.
Në rast kualifikimi në finale, ky do të ishte suksesi më i madh i Kroacisë në histori të Kampionateve Botërore. /Telegrafi/