Përfaqësuesja e Kroacisë është një nga befasitë më të bukura të Kampionatit Botëror ‘Rusia 2018’.
Kroatët kanë arritur deri në gjysmëfinale të Botërorit ku do të përballen me Anglinë.
Skuadra kroate gjatë ditës së martë ka bërë stërvitjen e fundit para ndeshjes ndaj anglezëve dhe duket se atmosfera në grup është shumë pozitive.
Mario Mandzukic / Croatia NT Training Session https://t.co/FQDR5crcsA pic.twitter.com/naTCsCNBHt
— k.j. (@juve_kj) July 10, 2018
Sulmuesi Mario Mandzukic ka gjetur kohën të tregojë aftësitë e tij në portë.
Ai ka postuar një video në Instagram ku shikohet duke bërë një pritje fantastike dhe normalisht nuk munguan komplimentet nga tifozët.
Por, fatmirësisht kroatët nuk kanë nevojë për shërbimet e Mandzukic në portë pasi Danijel Subasic ka bërë paraqitje fantastike.
Mandzukic në këtë Botëror ka shënuar një gol dhe ka dhuruar një asistim.
Gjithsesi ylli i Juventusit njihet për angazhimin e tij të madh në fushë ku nuk ndalet së vrapuari për asnjë moment, gjë që është një ndihmesë e madhe për skuadrën e Zlatko Dalic. /Telegrafi/