Italia mund të bëjë katër ose pesë ndryshime nga formacioni që kishte në dy ndeshjet e para, në ndeshjen e fundit për Grupin A kundër Uellsit, duke përfshirë edhe debutimin e Marco Verratti në Euro 2020.
Ndeshja që zhvillohet të dielën nga ora 18.00 në Stadio Olimpico në Romë pritet të vendos edhe kreun e grupit.
Azzurri tashmë janë kualifikuar, por ende nuk e kanë të sigurt vendin e parë në Grupin A, edhe pse kan fituar nga Turqia dhe Zvicra me rezultat identik 3-0.
Djelmoshat e Roberto Mancini kanë vazhduar me stërvitje në Coverciano këtë pasdite, përpara udhëtimit për në Romë.
Verratti nuk ka qenë as në stol për dy ndeshjet e para, pasi ka pasur një dëmtim në gju. Por tani ai është rikuperuar plotësisht dhe mund luajë, duke pushuar Jorginhon ose Manuel Locatellin kundër Uellsit.
Giorgio Chiellini nuk do të luajë shkaku i muskujve, ndërsa Francesco Acerbi pritej të luajë nga minuta e parë.
Alessandro Florenzi dhe Giovanni Di Lorenzo garojnë për vendin e mbrojtësit të djathtë, megjithëse edhe Rafael Toloi është një tjetër kandidat.
Leonardo Spinazzola duhet të pushojë, ku do të luajë me gjasë Emerson Palmieri, ndërsa edhe Andrea Belotti mund të futet nga minuta e parë në vend të Ciro Immobiles.
Federico Chiesa pritet të jetë në fushë në vend të Lorenzo Insignes, ndërsa Domenico Berardi do të jetë në fushë edhe në ndeshjen e tretë. /Telegrafi/