Manchester United fiton me shumë mund ndaj Copenhagen në Old Trafford

Manchester United ka fituar pikët e para në Ligën e Kampionëve, pas xhiros së tretë në fazën e grupeve të Ligës së Kampionëve.

Djajtë e Kuq fituan me shumë mund në shtëpi ndaj Copenhagen, duke marrë kështu edhe fitoren e parë, 1-0.

Ndeshjen më mirë e nisën mysafirët, që rrezikuan në minutën e pestë nëpërmjet Diogo Goncalves, por goditjas e tij u ndalë nga shtylla.

Një rast të mirë shënimi për Copenhagen lëshoi edhe Elias Achouri (38’), me gjuajtjen e tij që shkoi jashtë.

Edhe 45 minutat e dytë nisën më mirë për mysafirët, pasi Andre Onana u detyrua të bënte një super pritje në minutën e 50-të, kur gjuajti Lukas Lerager.

Man United filloi të këndellej dhe rrezikoi me anë të Rasmus Hojlund e Christian Eriksen, por që të dy ishin të pafat.

Heroi i kësaj mbrtëmje për Djajtë e Kuq doli të ishte Harry Maguire, që shënoi nga një asistim i Christian Eriksen në minutën e 72-të.

Bayern Munichu është lider i Grupit A me nëntë pikë, Galatasaray me katër, Manchester United me tri dhe Copenhagen me një sosh. /Telegrafi/