Manchester City me fitore bindëse ndaj Bournemouthit

Manchester City ka fituar edhe në javën e dytë të Ligës Premier, pasi ka mposhtur Bournemouthin 4-0.

Goli i parë në ndeshje u shënua prej Ilkay Gudogan, që pranoi një asistim nga Erling Haaaland në minutën e 19-të.

Pas 12 minutash, kampioni në fuqi realizoi edhe të dytin, tani me anë të Kevin de Bruynes, që pranoi një asist nga Phil Foden.

Më pas dyshja shkëmbyen vendet në minutën e 37-të, pasi belgu asistoi për anglezin për 3-0.

Me këto tre gola përfundoi edhe pjesa e parë, derisa në të dytën u shënua edhe një tjetër.

Ishte Jefferson Lerma që në minutën e 79-të realizoi një auto-gol, për ta thelluar epërsinë e Cityt në 4-0.

Pas javës së dytë, Manchester City ka gjashtë pikë, ndërsa vazhdon me diferencën e golave me gjashtë të shënuara në total dhe asnjë të pranuar. /Telegrafi/