Manchester United ka konfirmuar se Rasmus Hojlund do të mungojë dy deri në tre javët e ardhshme për shkak të një dëmtimi muskulor.
Lëndimi do të thotë se sulmuesi 21-vjeçar do të mungojë në ndeshjen e së shtunës në Ligën Premier kundër Fulham në Old Trafford, si dhe udhëtimin e mesjavës në Nottingham Forest në FA Cup.
Përveç këtyre dy ndeshjeve, sulmuesi danez mund të mungojë edhe në derbin e zjarrtë lokal ndaj Manchester Cityt në fundjavën e ardhshme.
Është vet klubi nga Old Trafford që ka njoftuar mbi lëndimin e yllit të tyre të momentit.
ℹ️ Rasmus Hojlund has suffered a muscle injury which is expected to rule him out for two to three weeks.
Wishing you a speedy recovery, Rasmus 👊#MUFC
— Manchester United (@ManUtd) February 23, 2024
“Rasmus Hojlund do të mungojë në ndeshjen e Manchester United në Ligën Premier kundër Fulham të shtunën për shkak të një dëmtimi muskulor”.
“Lëndimi pritet që ta mbajë jashtë për dy deri në tre javë”, thuhet në njoftimin e Unitedit.
Ndryshe, Hojlund ka qenë në formë të shkëlqyer kohët e fundit, duke shënuar në gjashtë paraqitjet e tij të fundit në ligë. /Telegrafi/