Telegrafi

Man City publikon fanellën e re, të frymëzuar nga Colin Bell dhe legjendat e viteve të 60-ta

Shkumbin Pireva

Manchester City ka nxjerrë fanellën e re si vendas për sezonin 2022/23, me “Qytetarët” që kanë marrë frymëzim nga “ikona e klubit Colin Bell” dhe “skuadrat argëtuese të fund viteve 1960”.

Ekipi i Pep Guardiolës shpreson të ketë një tjetër titull të Ligës Premier në brezin e tyre kur të vendosin modelin më të fundit nga kompania PUMA për sezonin e ardhshëm, me një ndeshje vendimtare në ditën e fundit të sezonit.

Skuadra e Cityt nga rreth 60 vjet më parë u kurorëzua kampione në vitin 1968 – ndërsa gjithashtu vazhdoi të fitonte Kupën FA, Kupën e Ligës dhe Kupën e Fituesve të Kupave gjatë tre viteve të paharrueshme.

Tifozët në Etihad Stadium pretendonin se “asnjë ekip nuk mund të përputhej me stilin dhe guximin” e një veshjeje që përfshinte shumë lojtarë legjendar dhe menaxhohej nga i madhi Joe Mercer.

Ky triumf dhe ajo kohë është vendosur të rikthehet nga drejtuesit aktual të Cityt, të cilët e kanë prezantuar tashmë fanellën si vendas për sezonin e ri.

Si duket fanella e re e Man City si vendas për sezonin 2022-23?

Qytetarët kanë vendosur ta bëjnë fanellën me ngjyrën tradicionale, teksa stema e klubit është vendosur në qendër, teksa një shirit i kuq dhe i bardhë është vendosur tek jakat dhe mëngët.

Kjo fanellë vjen gjithashtu si nderim i legjendës, Colin Bell, logo me emrin e të cilit gjendet në brendësi të fanellës.

“Një nga lojtarët më të mëdhenj të Cityt ndonjëherë, Bell ishte frymëzues për klubin. Në vitin 1967 ai udhëhoqi ekipin drejt titullit të parë të ligës në 31 vjet”.

“Frymëzuar nga veshjet e veshura në epokën e Bellit, fanella e re e shtëpisë i bën nder atij si një nga ikonat më të mëdha të Manchester Cityt”.

“Këtu, atje, kudo, Bell ishte një i preferuar i tifozëve për atletizmin e tij të jashtëzakonshëm dhe qëndrueshmërinë e pakufishme. Ai ishte zemra e ekipit”, thuhet në njoftimin e Cityt. /Telegrafi/