Klubi anglez, Manchester City është gati t’i dorëzojë një kontratë të re sulmuesit të tyre, Erling Haaland, i cili është lojtari kryesor i skuadrës këtë sezon.
Aftësia e Haalandit si një makinë për të shënuar gola ka tërhequr interesin nga klubet tjera të mëdha evropiane.
Real Madridi është klubi më i interesuar dhe mendohet se është i prirur për të ‘kapur’ lojtarin në verën e vitit 2024.
Por, sipas The Sun, drejtuesit e kampionit të Anglisë do të ulen me Haalandin në fund të këtij sezoni për të përfunduar një marrëveshje të re.
Marrëveshja e re nga City do ta shohë Haalandin të bëhet lojtari më i paguar në Ligën Premier, me të ardhura prej 500 mijë funtesh apo 567 mijë eurosh në javë.
Manchester City set to offer Haaland a bumper of £5000k-a-week deal pic.twitter.com/nae8bPi0kz
— Naija (@Naija_PR) March 26, 2023
Marrëveshja aktuale e 22-vjeçarit zgjat deri në vitin 2027, por City do ta zgjasë atë me një vit si pjesë e propozimeve për të ruajtur shërbimet e Haaland pavarësisht interesimit të Real Madridit.
Haaland aktualisht fiton 375 mijë funte apo 425 mijë euro në javë, duke e bërë atë të barabartë në krye të yjeve më të paguar të Ligës Premier, së bashku me shokun e skuadrës Kevin De Bruyne dhe portierin e Manchester Unitedit, David de Gea.
Burime pranë sulmuesit norvegjez besojnë se City dëshiron ta bëjë Haalandin të parin që merr gjysmë milioni funte në javë për të dërguar një mesazh të qartë ‘duart larg’ për blerësit e mundshëm. /Telegrafi/