Malajzia raportoi një rritje rekorde të rasteve me coronavirus për të dytën ditë me radhë, duke konfirmuar 317 infeksione të reja të shtunën.
Sipas medieve të huaja, përcjell Telegrafi, numri i përgjithshëm i të prekurve u rrit në 12 mijë, ndërsa 317 persona kanë ndërruar jetë deri më tani si pasojë e COVID-19.
Bazuar në të dhënat zyrtare të Universitetit John Hopkins, rreth 34 milionë të infektuar janë regjistruar në botë, dhe një milion viktima.
Vendi më i goditur në botë është SHBA-ja me 7.5 milionë raste pasuar me Indinë, e cila ka regjistruar 6.4 milionë të prekur.
Ekspertët britanikë nga Shoqëria Mbretërore deklarojnë se vaksina e cila pritet të prodhohet deri në pranverën e vitit të ardhshëm, nuk do të mund t’ua rikthej jetën e qytetarëve në normalitet.
Për momentin, vaksinat eksperimentale kundër coronavirusit janë në fazën përfundimtare të testimit, për të filluar më pas edhe prodhimin në shumicë. /Telegrafi/